Close

په ارزي که نه په ارزي؟ ـ منظوم نکل

PictureSource: http://www.gardeningclan.com/wp-content/uploads/2012/10/diy_gardening_tips_for_growing_wedding_flowers_1fkjc.jpg

 

په ارزي که نه په ارزي؟

 

يوه ورځ په يوه ښـار کي
د اختر د شپې بـازار کي
په سودا پسي د خپل خان
سو راپېښ يو صحرايي ځوان
د دې ښار ښکلا حيران کړ
پر خپل حال يې پرېشان کړ
چي هر لور ته يې کتله
خوله يې نوره خلاصېدله
د دنيا جهان مالونه
بيا بې شمېره دکانونه
هري خوا ته رش او شور ؤ
پاک مينځلی ځوان او زوړ ؤ
هم بويان يې نامانوس ول
د دې ښار خلک لږ لوڅ ول
بس همدا ؤ چي يې سترګي
د حيرته لوی سوې غبرګي
د ګُلانو پر دُکان
ورڅه ورک سو نور خپل ځان
تکه سپينه چاغه شلنډه
پوزه جګه زنه لنډه
سرې جامې يې وې په ځان
نرۍ شونډې سور پېزوان
پيغله نه وه يو طوفان ؤ
لوڅ مړوند يې بې ورېښتان ؤ
پر مين صحرايي ځوان سو
په پښتو ورته ګويان سو
ويل زه به دي غلام سم
شپه او ورځ به په سلام سم
که مېرمنه زما د کور سې
بيا زما د بچو مور سې
تکه سپينه سوه حیرانه
لږ پرېشانه لږ مسکانه

ويل:

آی اېم سوري آی ډونټ نو
هاو ټو انسر اين پښتو

پدې حال کي دُکاندار
سو رامخ ته په ګفتار
ويل ځوانه دا ته څه کړې؟
و خپل ځان ته څاه کينده کړې
زه هم ستا په شان يو ځوان وم
له ښارۍ ميني پرېشان وم
په زاريو په جګيو
هم په اوښکو په سلګيو
د ښارۍ ميني سړی سوم
د خپل کلي څه پردی سوم
پر ناموس باندي په بېره
هم پښتو راڅخه هېره
د ښارۍ ښځي په کور کي
لکه مړی سوم په ګور کي
د حيا څخه آزاد سول
اولادونه مي برباد سول
اوس چي هر څه پښېماني کړم
په څپېړه پېشاني کړم
نه راګرځي بيا وختونه
ورڅه واخله ته پندونه
نه په ارزي دا ښاريان
که هم وي دوی ښاپېريان
که پکار دي سوکالي ده
هم د دين هم دنياوي ده


د پښـــــــــــتو مېرمنه غواړه
د پــــــــــــردو مېرمنه غواړه

 

(که په ارزي نو هېله ده چي دغه پاڼه Like او share کړئ!)

احمدولي اڅکزی، آلمان

د ۲۰۱۴م مېلادي کال د مارچ ۳يمه نېته

 د احمدولي اڅکزي د نکلونو ليسټ او لينکونه
http://bit.ly/2h9CRwc

د قاموسونه ټکی کام ټول اعلانونه
http://bit.ly/2fZf7dO

د تکراري سوالونو جوابونه FAQ
http://bit.ly/1IZm3uV

د قاموسونه ټکی کام څخه د کار اخيستلو ويډيو
http://bit.ly/2gXsf0v

۲۴ وړيا پښتو قاموسونه د اندرويد موبايل له پاره
http://bit.ly/1IFKLAw

د آی فون لپاره هم د پښتو قاموسونو اېپ خپور سو
http://bit.ly/1T2nC0U

«جادو ته ورته» د پښتو قاموسونو پروګرام آنلاين سو
http://bit.ly/2dUVS3U

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
دغه هم ولولئ:
پاچا، وزير، غلام او ړوند سړی ـ منظوم نکل
زمری او نانی موږک ـ د ماشومانو لپاره منظوم نکل
څلور دي کال کي موسمونه ـ د ماشومانو شعر
د ملالۍ نانۍ خور ـ د ماشومانو شعر
سهار سو ـ د ماشومانو شعر
ترپ و تروپ دی ـ د ماشومانو شعر
اې سپيني واوري ـ د ماشومانو شعر 

شعر: د اصيل خېلو کانفرانس



خپله تبصره لاندي ثبتولای سئ

0
ستاسو تبصره به د مسؤلو کسانو د کنټرول وروسته خپره کړله سي.
  • پر دغه مطلب ته اوسه کومه تبصره نده سوې.
Loading...
Loading...