Close

د انسان او شيطان فرق ـ منظوم نکل

source of image: http://productivemuslim.com/sincere-repentance-a-sure-path-to-forgiveness/

 خدای چي جوړ کله زموږ نيکه بابا آدم (ع) کړ

نو ملايکو ته يې حاضر او مقدم (.) کړ

امر بيا وسو چي آدم (ع) ته په سجده سي

ساجد (۱) ملکي او جنات (۲) باقاعده سي

بېله کوم ځنډه په سجده سوې ملائيکې

تابع د امر د خالق سوې دا لايقې

بهتر زما جنس دی تر آدم (ع) ويل ابليس

او نافرمان (۳) سو له خپل کبره جن رئيس

د کرکې وړ دا نافرمان سو ډېر بې حده

ابليس کافر سو او لعين (۴) سو تر ابده

خدای بيا آدم (ع) ته جنت ورکړ لوی نعيم (۵)

هلته يې کړ هغه حوا سره مقيم (۶)

له ممنوعه ونې چي يې وخوړله شيان

هله آدم (ع) هم د خالق سو نافرمان

خو آدم (ع) ومنله ژر چي نافرمان سو

توبه يې وکړه پر خطا خپله پښېمان سو

عفوه آدم (ع) سو دی نبي او خليفه سو

ټول انسانانو ته بابا او نمونه سو

که يو خطا کوي او بل وي نافرمان

وايه فرق څه دی د انسان او د شيطان؟

د دې سوال جواب مهم دی زما وروره

دغه مهم فرق ته ځيرتيا پکار ده نوره

شيطان پر بدو خپل کوي ټينګار پرېمان تل

که انسان وي خطا مني پر وي پښېمان تل

 

احمدولي اڅکزی، د ۲۰۱۷ کال د مارچ ۲۰مه نېټه، بون

 

۰) مقدم: مشر (آدم ع پر مځکه د الله خليفه ؤ)

۱)ساجد: سجده کوونکی

۲) جنات: د جن جمع

۳) نافرمان: امر نه منونکی

۴) لعين: ترټل سوی، لعنت پر سو

۵) نعيم: آرام او له خوشالۍ او نعمتونو ډک

۶) مقيم: اوسېدونکی

 

د ماشومانو د منظوم او منثور نکلونه وېبپاڼه
www.kochnai.com

د احمدولي اڅکزي د نکلونو ليسټ او لينکونه
http://bit.ly/2h9CRwc

د قاموسونه ټکی کام ټول اعلانونه
http://bit.ly/2fZf7dO

د تکراري سوالونو جوابونه FAQ
http://bit.ly/1IZm3uV

د قاموسونه ټکی کام څخه د کار اخيستلو ويډيو
http://bit.ly/2gXsf0v

۲۴ وړيا پښتو قاموسونه د اندرويد موبايل له پاره
http://bit.ly/1IFKLAw

د آی فون لپاره هم د پښتو قاموسونو اېپ خپور سو
http://bit.ly/1T2nC0U

«جادو ته ورته» د پښتو قاموسونو پروګرام آنلاين سو
http://bit.ly/2dUVS3U

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د دغه وېبلاګ لاندنۍ نوري ليکنې هم ولولئ:
قلم و قلم ته ـ منظوم نکل 

Loading...
Loading...