Close

د فيلانو لښکر ـ منظوم نکل

 د ننني ايرتريا ايتوپيا
پر سيمو وه يو واکمني ډيره سيا
اکسوم پلازمېنه وه د دغې پاچهۍ
يمن هم برخه ؤ د د دغي واکمنۍ
ابرهه اشرم نصارا چي ؤ ظالم
ؤ په يمن کي د حبشي واکمن حاکم
ابرهه غوښتل بديل جوړ کړي و کعبې ته
او ماته ورکړي په دې چل ښار د مکې ته
هغه بيا جوړه کنيسه کړه صنعا ښار کي
پيسې مصرف يې کړې ښه زياتي په دې لار کي
ابرهه وکړ پر عربو بیا دا امر
په ډېر تاکيد په زيات ګواښونو په زيات مکر
چي حج ته ورسي کنيسې ته په صنعا کي
که نه اخته به کړي دوی ځان په لو بلا کي
د قريشو قبيلو يو مسافر
سو په صنعا کي کنيسې ته برابر
مُرداري واخيسته هغه ښه سمه زياته
بيا يې په رنګ کړه کنيسه مخته او شاته
کله خبر چي ابرهه سو په دې کار
له زياته قهره سو دی جنګ لره تيار
ابرهه جوړ کړ يو لوی پوځ ديارلس فيلونه
د کعبې مات چي کړي دی ټوله ديوالونه
کله چي ورسيد مکې ته دی نژدې سو
له غرور ډک دی په تکل چي د کعبې سو
د محاصر په نوم درې کي ښه عيان سول
د ابابيلو (۱) زيات سيلونه پر آسمان سول
را خيستې هر مرغه ډبري په شمېر درې وې
دوې په منګولو يو په مشوکه کي وړې وې
په دې مرغانو چي آسمان پټ سو او تور سو
هله بيا ګډ د ابرهه په پوځ کي شور سو
له پاڅه خوشي کړې ډبري چي مرغانو
ټولي بيا غوښي تويېدلې د پوځيانو
د ابرهه پوځ داسي خوړين سو لکه پروړ
چي ژوول سوی خوړل سوی وي ښه زوړ
ابرهه څوک چي لوی دښمن ؤ د کعبې
مغلوب عذاب کړ غوښي توی پرې يې کولمې

احمدولي اڅکزی، د ۲۰۱۷ کال د می ۲۰مه نېټه، بون

(۱) دغه موضوع د قرآن پاک په ۱۰۵مه سوره فيل کي بيان سوې ده.

 

د ماشومانو د منظوم او منثور نکلونو وېبپاڼه
www.kochnai.com

د کوچنی ټکی کام د نکلونو ليسټ او لينکونه
http://bit.ly/2ppNEpJ

د احمدولي اڅکزي د نظمونو ليسټ او لينکونه
http://bit.ly/2h9CRwc

د ماشومانو له پاره د نظمونو ليسټ او لينکونه
http://bit.ly/2tfIG1u

د قاموسونه ټکی کام ټول اعلانونه
http://bit.ly/2fZf7dO

د تکراري سوالونو جوابونه
FAQ http://bit.ly/1IZm3uV

د قاموسونه ټکی کام څخه د کار اخيستلو ويډيو
http://bit.ly/2gXsf0v۲۴

وړيا پښتو قاموسونه د اندرويد موبايل له پاره
http://bit.ly/1IFKLAw

د آی فون لپاره هم د پښتو قاموسونو اېپ خپور سو
http://bit.ly/1T2nC0U

«جادو ته ورته» د پښتو قاموسونو پروګرام آنلاين سو
http://bit.ly/2dUVS3U

 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

 

Loading...
Loading...