Close

اختره دلته مه راځه ـ غزل

source of image: http://bit.ly/2t1Ok6v

 مه راځه اختره دلته ساندي ماتمونه دي
اوښکي دي سلګۍ دي جنازې دي تورتمونه دي
مه راځه اختره چي نوحې دي بلبلان ژاړي
مړاوي مړاوي پاڼي رژېدلي سره ګلونه دي
دا د پسرليو هديره ده دلته مه راځه
مه راځه اختره د خزان خواره تخمونه دي
ستا دي وي قسم په خدای چي مه راځه دې کلي ته
دلته مخه ښه ده فاتحې دي او ويرونو دي
مه راځه اختره چي مو مېندي ټولې بوري سوې
وراري وراري خوېندي او يتيم يتيم ورېرونه دي
اې ښکلې اختره زه منت کوم چي مه راځه
کونډي دي ناوياني چي يې سره سره لا لاسونه دي
دلته مو روژې په خپلو وينو باندي ماتي سوې
مه راځه اختره دلته سره سره افطارونه دي
توري توري ويني دلته څاڅي له سينو څخه
مه راځه اختره چي رېزه رېزه مو زړونه دي
عذر مي د خدای له پاره ومنه ته مه راځه
موږ پکښي کي سوځو راته بل سره سره اورونه دي
وګوره اختره زما خړوب ګريوان ته وګوره
دلته لوی څپی دي ورښتونه سېلابونه دي
و اختره واوره د خدای روی دی دلته مه راځه
دلته ناهيلۍ دي مايوسۍ دي او کفرونه دي
مه راځه اختره دلته ساندي ماتمونه دي
اوښکي دي سلګۍ دي جنازې دي تورتمونه دي

احمدولي اڅکزی، د ۲۰۱۷ کال د جون ۲۳مه نېټه، بون

 

د ماشومانو د منظوم او منثور نکلونو وېبپاڼه
www.kochnai.com

د کوچنی ټکی کام د نکلونو ليسټ او لينکونه
http://bit.ly/2ppNEpJ

د احمدولي اڅکزي د نظمونو ليسټ او لينکونه
http://bit.ly/2h9CRwc

د ماشومانو له پاره د نظمونو ليسټ او لينکونه
http://bit.ly/2tfIG1u

د قاموسونه ټکی کام ټول اعلانونه
http://bit.ly/2fZf7dO

د تکراري سوالونو جوابونه
FAQ http://bit.ly/1IZm3uV

د قاموسونه ټکی کام څخه د کار اخيستلو ويډيو
http://bit.ly/2gXsf0v۲۴

وړيا پښتو قاموسونه د اندرويد موبايل له پاره
http://bit.ly/1IFKLAw

د آی فون لپاره هم د پښتو قاموسونو اېپ خپور سو
http://bit.ly/1T2nC0U

«جادو ته ورته» د پښتو قاموسونو پروګرام آنلاين سو
http://bit.ly/2dUVS3U

 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

 

 

Loading...
Loading...