Close

بېلوونکې کرښه ـ منظوم نکل

source of image: http://bit.ly/2tLUR2f

 رشتيا کيسه ده پيښه سوې په بازار کي
په ښکلې کوټه ښکلي بڼ غوندي دې ښار کي
په يو محفل کي راټول سوي مېلمانه ول
دوی ښکلي خلک، مهربان، دوی پښتانه ول
په مـشـرانو کي حاضـر يو لوی قاضـي ؤ
دی له خپل ژونده، له خپل کاره ښه راضـي ؤ
دی لومړی کس ؤ د خپل قوم له خپلې سـيمي
چي مقرر ؤ پر دې دندې لو مهمې
په زړه کي درد د خپل ولس ورسـره مل ؤ
دی و مظلوم لره کومک دُښمن د غل ؤ
له کندهاره هم راغلی يو ښه ځوان ؤ
له مېلمنو څخه مېلمه پر دې سترخوان ؤ
کله چي پوه سو چي قاضـي سړی دانا دی
بل دی غني د تجربې له لو غنا دی
ويل: پوښتنه مي په زړه کي له زیات وخته
داسـي راشنه ده لکه پراخه لويه درخته

که اجازه وي زه به وکړم دا پوښتنه
په احترام يې د جواب کوم غوښتنه
دغه قاضي چي سرحدي د پاکستان ؤ
ده اجازه ورکړه مېلمه ته چي افغان ؤ
ځوان ويل: موږ یو په ډيورنډ سـره ويشلي
د يو ټبر خلک دوو اړخو ته پاشلي
دغه پرهار، زخم ناسور کله رغيږي؟
زموږ دغه قوم به کله بيا سـره يو کيږي؟
کله به پاکه سـي دا کرښه بېلوونکې؟
کله به پای مومي خپسکه بېروونکې؟
قاضـي ويل: خبره واوره ځوانه وروره
ته عِلم خپل کړه، پوهه خپله کړه بیا ګوره
که کرښه وي، که کرښه نه وي، ته به جوړ سې
له مرګه پاته به ولس په عزت زوړ سې
ته به مالک، ته به څښتن د لر او بر يې
ته به خپلواک، ته به لارښود د بحر و بر يې
که کرښي نه وي خو بې عِلمه يو ټَبَر وي
ناست به هميش هغه د غم پر لوی ټَغر وي


د ۲۰۱۷ کال د جولای ۲۹مه نېټه، بون

 

د ماشومانو د منظوم او منثور نکلونو وېبپاڼه
www.kochnai.com

د کوچنی ټکی کام د نکلونو ليسټ او لينکونه
http://bit.ly/2ppNEpJ

د احمدولي اڅکزي د نظمونو ليسټ او لينکونه
http://bit.ly/2h9CRwc

د ماشومانو له پاره د نظمونو ليسټ او لينکونه
http://bit.ly/2tfIG1u

د قاموسونه ټکی کام ټول اعلانونه
http://bit.ly/2fZf7dO

د تکراري سوالونو جوابونه
FAQ http://bit.ly/1IZm3uV

د قاموسونه ټکی کام څخه د کار اخيستلو ويډيو
http://bit.ly/2gXsf0v۲۴

وړيا پښتو قاموسونه د اندرويد موبايل له پاره
http://bit.ly/1IFKLAw

د آی فون لپاره هم د پښتو قاموسونو اېپ خپور سو
http://bit.ly/1T2nC0U

«جادو ته ورته» د پښتو قاموسونو پروګرام آنلاين سو
http://bit.ly/2dUVS3U

 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

 

Loading...
Loading...