Close

ښکلی او هنداره ـ منظوم نکل

source of image: https://bit.ly/2Xil1HM

 يو پی مخی به هميش په دې پُرسان ؤ
دی په فکر کي به غرق د هر انسان ؤ
چي څهرې او مخان ټول ولي ډېر لوی وي
يا کوچني وي يا ورېښتان ورباندي توی وي
لوی سږمې لوی لوی غوږونه لنډي غاړې
کوچنۍ سترګي شوړېدلي چي تل ژاړي
بل کَـلې چي ښويندوکي يې پر سر وي
هم غاښونه چي کاږه د دوی اکثر وي
و شامپو لره لېوال دوی يې شوقيان وي
بل خندان په هر محفل کي دوی عيان وي
پکي ورَځي لويه پوزه برېت خريلي
پر دوو لورو عين و غين سترګي مايلي
لوی لوی خيټي پنډي غاړي درې منزله
سترګي وږي چي لري بل له ازله
عاشق ولي پر چنار غوندي جانان وي
تل ښوونکي د پرهېز همېش هر آن وي
د هنداري مخ ته ناست چي دا ښايسته ؤ
په فکرونو په سوالونو چي اخته ؤ
پر سُر تال ډېر برابر لکه يو ساز سو
له آينې څخه ګويان ورته آواز سو
چاغ که مينه د ناچاغ سره لرينه
یا آرمان که کم زلفان د زلفان کړينه
چا ټاکلی دا اصول دغه معيار دی
خواهش تل چي په ظاهر باندي عيار دی
که ظاهري ته په فکر ته مدام يې
د ابليس په لومه بند ته يې په دام يې
د ښکلا څښتن جوړ کړي ټول په تول دي
موجودات چي شاوخوا پر تا راټول دي
صرف باطن هغه معيار هغه آله ده
چي په سپکه يا درنه د چا تله ده

احمدولي اڅکزی، د ۲۰۱۹ کال د جولای لومړۍ نېټه، بون

 

د ماشومانو د منظوم او منثور نکلونو وېبپاڼه
www.kochnai.com

د کوچنی ټکی کام د نکلونو ليسټ او لينکونه
http://bit.ly/2ppNEpJ

د احمدولي اڅکزي د نظمونو ليسټ او لينکونه
http://bit.ly/2h9CRwc

د ماشومانو له پاره د نظمونو ليسټ او لينکونه
http://bit.ly/2tfIG1u

د قاموسونه ټکی کام ټول اعلانونه
http://bit.ly/2fZf7dO

د تکراري سوالونو جوابونه
FAQ http://bit.ly/1IZm3uV

د قاموسونه ټکی کام څخه د کار اخيستلو ويډيو
http://bit.ly/2gXsf0v۲۴

وړيا پښتو قاموسونه د اندرويد موبايل له پاره
http://bit.ly/1IFKLAw

د آی فون لپاره هم د پښتو قاموسونو اېپ خپور سو
http://bit.ly/1T2nC0U

«جادو ته ورته» د پښتو قاموسونو پروګرام آنلاين سو
http://bit.ly/2dUVS3U

 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

 

Loading...
Loading...