Close

جنجالي خيرسک ـ منظوم نکل

 خيرسک وغوښت د کبانو يخ شيريخ يو
دکاندار ويل سبا به درکړم يخ يو
په سبا چي خيرسک راغلی نو ګويان سو
بد يې بوی دی د کبانو په بيان سو
د کبانو شيريخ پاته سو خراب سو
دکاندار له دې کبله په عذاب سو
خيرسک وغوښت شيريخ ګرم ايشېدلی
دکاندار ويل سبا به راوړم ښکلی
په سبا چي خيرسک راغلی نو ګويان سو
ډېر تود لمر دی نه يې غواړم په بيان سو
شيريخ ګرم ګرم پاته او خراب سو
دکاندار له دې کبله په عذاب سو
خيرسک وغوښت د شيريخ ښه لوی يو غر بيا
دکاندار ويل سبا به سې خبر بيا
په سبا چي خيرسک راغلی نو ګويان سو
دا ډېر لوی دی نه يې خورم په دې بيان سو
لوی لوی غر د شيريخ هم هله خراب سو
دکاندار له دې کبله په عذاب سو
خيرسک وغوښت ويل غواړم کيک د کريمو
دکاندار ويل سبا به يې بيا وينو
په سبا چي خيرسک راغلی نو حيران سو
دکاندار چي په کيک وويشت ښه خندان سو
د خيرسک پر مخ مښتی کيک کريمدار ؤ
ژبه ده پر تېرول ښه مزېدار ؤ
هم خيرسک هم دکاندار ډېر په خندا سول
په خندا په خوشالۍ په زنګېدا سول

احمدولي اڅکزی، د ۲۰۱۹ کال د دسمبر ۹مه نېټه، بون
يادونه: دغه منظوم نکل الهام د آلماني ژبې د ماشومانو له سندري (Der Eisbär ging zum Eismann) څخه يستل سوی دی.

 

د ماشومانو د منظوم او منثور نکلونو وېبپاڼه
www.kochnai.com

د کوچنی ټکی کام د نکلونو ليسټ او لينکونه
http://bit.ly/2ppNEpJ

د احمدولي اڅکزي د نظمونو ليسټ او لينکونه
http://bit.ly/2h9CRwc

د ماشومانو له پاره د نظمونو ليسټ او لينکونه
http://bit.ly/2tfIG1u

د قاموسونه ټکی کام ټول اعلانونه
http://bit.ly/2fZf7dO

د تکراري سوالونو جوابونه
FAQ http://bit.ly/1IZm3uV

د قاموسونه ټکی کام څخه د کار اخيستلو ويډيو
http://bit.ly/2gXsf0v۲۴

وړيا پښتو قاموسونه د اندرويد موبايل له پاره
http://bit.ly/1IFKLAw

د آی فون لپاره هم د پښتو قاموسونو اېپ خپور سو
http://bit.ly/1T2nC0U

«جادو ته ورته» د پښتو قاموسونو پروګرام آنلاين سو
http://bit.ly/2dUVS3U

 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

 

Loading...
Loading...