Close

بده ښځه ـ منظوم نکل

 په يو کلي کي افواه سوه ډونډوره سوه
بده ښځه پيدا سوې نغاره سوه
چا ويل ښځه کوي داسي چارونه
پر خوله هيڅ چي نه راځي داسي کارونه
بل ويل پوزه د کلي يې ور پرې کړه
نيکنامي يې راته ټول ذرې ذرې کړه
يو ملا ويل يوازي وه وتلې
بېله نره تر بازار وه دا تللې
ملک وويل چي هيڅوک يې مل نه ؤ
زړه نو څه ؤ د دې ښځي چي غل نه ؤ
قاضي وويل دا ښځه به سنګسار کړو
غار ژر باسئ چي هغه پکښي ايسار کړو
نيک بنده يو په يو کونج کي هلته ناست ؤ
څوک له ربه خپل هميش چي به په خواست ؤ
هغه وويل اې خلکو دردېدلو
ایا غواړئ زما دعا اې زوکلېدلو
هغوی وويل بهتره به ښرا وي
هر بدکار ته له حيا چي څوک مبرا وي
نيک بنده هم دعا وکړه ويل ربه
ساه يې واخله چي بدکار وي په لوی دربه
دا ؤ درب سو او پر کلي مرګی خپور سو
مړ بالغ هر نارينه د هر يو کور سو
پاته ښځي سوي او پاته ماشومان سول
پاک دامن ول صرف بس دوی او په امان سول


احمدولي اڅکزی، د ۲۰۱۹ کال د دسمبر ۱۲مه، بون

 

د ماشومانو د منظوم او منثور نکلونو وېبپاڼه
www.kochnai.com

د کوچنی ټکی کام د نکلونو ليسټ او لينکونه
http://bit.ly/2ppNEpJ

د احمدولي اڅکزي د نظمونو ليسټ او لينکونه
http://bit.ly/2h9CRwc

د ماشومانو له پاره د نظمونو ليسټ او لينکونه
http://bit.ly/2tfIG1u

د قاموسونه ټکی کام ټول اعلانونه
http://bit.ly/2fZf7dO

د تکراري سوالونو جوابونه
FAQ http://bit.ly/1IZm3uV

د قاموسونه ټکی کام څخه د کار اخيستلو ويډيو
http://bit.ly/2gXsf0v۲۴

وړيا پښتو قاموسونه د اندرويد موبايل له پاره
http://bit.ly/1IFKLAw

د آی فون لپاره هم د پښتو قاموسونو اېپ خپور سو
http://bit.ly/1T2nC0U

«جادو ته ورته» د پښتو قاموسونو پروګرام آنلاين سو
http://bit.ly/2dUVS3U

 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


Loading...
Loading...