د لاسليک پر وخت د تريالي پر باړخوګانو په بې اختياره توګه اوښکې رارواني سوې. د کور خرڅوونکې زړه ښځه ميسيز سميت او په همدې شان وکيل مسټر ډېويډ هم ورسره ډېر ناراحته سول. وکيل پوښتنه وکړه: «قدرمنه، ايا هر څه سم دي؟ ايا د کور رانيولو د تړون د لاسليک کولو ننۍ وعده بلي ورځي ته وځنډوو؟» تريالي ورته په عذر وويل: «نه هر څه سم دي. غواړم کور همدا نن رانيسم. خو که اجازه وي، زه به پنځه دقيقې دباندي ولاړ سم.» هغه د وکيل له کوټې راووت او سمدلاسه د دغه دفتر تشناب ته ننوت او په ځان پسي يې دروازه وتړله. کله چي یې د تشناب په هنداره کي په خپله توره ږيره کي سپين ورېښتان، او د سترګو په کونجونو او تندي باندي يې ګونجي ولېدلې، نو داسي احساس يې وکړ لکه پردی څوک چي يې مخي ته ولاړ وي. يو ځل يې بيا د زړه بخار و سترګو ته راپورته سو. پر باړخوګانو يې وروستي ځل داسي اوښکي هغه وخت بهېدلي وې، کله چي يې دېرش کاله مخکي د هجرت پر وخت د خپل کور سره مخه ښه کوله. نن يې په ديار غير کي ځان ته لومړی خپل کور اخيست خو ځان يې د هغه مړي په شان احساساوه چي متيقين سوی وي چي نور به تر قيامت پوري په دغه تور لحد کي پاته وي. په غوږ کي يې د خپل زړه آزانګه اورېدله: ډب زړګيه ډب...
احمدولي اڅکزي، د ۲۰۲۰ کال د نوامبر ۱۷مه نېټه، بون
د ماشومانو د منظوم او منثور نکلونو وېبپاڼه
www.kochnai.com
د کوچنی ټکی کام د نکلونو ليسټ او لينکونه
http://bit.ly/2ppNEpJ
د احمدولي اڅکزي د نظمونو ليسټ او لينکونه
http://bit.ly/2h9CRwc
د ماشومانو له پاره د نظمونو ليسټ او لينکونه
http://bit.ly/2tfIG1u
د قاموسونه ټکی کام ټول اعلانونه
http://bit.ly/2fZf7dO
د تکراري سوالونو جوابونه
FAQ http://bit.ly/1IZm3uV
د قاموسونه ټکی کام څخه د کار اخيستلو ويډيو
http://bit.ly/2gXsf0v۲۴
وړيا پښتو قاموسونه د اندرويد موبايل له پاره
http://bit.ly/1IFKLAw
د آی فون لپاره هم د پښتو قاموسونو اېپ خپور سو
http://bit.ly/1T2nC0U
«جادو ته ورته» د پښتو قاموسونو پروګرام آنلاين سو
http://bit.ly/2dUVS3U
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
