Warning: in_array() expects parameter 2 to be array, string given in /var/www/vhosts/ahmadwali.achakzai.com/httpdocs/plugins/system/contentprotection/contentprotection.php on line 33
سکندر ته مشوره ـ منظوم نکل - د احمدولي اڅکزي وېبلاګ
Close

سکندر ته مشوره ـ منظوم نکل

ځان په پوه کړئ نن راوړې مي کيسه ده
کيسه څه چي د تاريخ يوه حصه ده

 ځان په پوه کړئ نن راوړې مي کيسه ده
کيسه څه چي د تاريخ يوه حصه ده
کله بر چي سکندر پر آريانا سو
دی غوښتونکی د نظر يوه دانا سو
نن مات کړي چي مي خلک دا هوښيار دي
د ه ويل ښايي دوی جنګ ته بيا تيار دي
څنګه وکړم زه پر دوی باندي حکمونه
جوړ چي نه کړي ماته دوی نور کوم غمونه
يو وزير ويل چي مړه يې معلمان کړه
ورک کتاب کړه دوی يې ټول بيا غليمان کړه
بل وزير ويل چي وکړه پر ظلمونه
تيری وکړه قتل عام يې کړه قومونه
خو مشير د سکندر چي ډېر هوښيار ؤ
پوه د سيمي په عادت ښه ډېر عيار ؤ
هغه وويل پاچا زموږ زوروره
زموږ سرداره زموږ اتله ښه زړه وره
تاوتريخوالي ته اړتيا نسته ته ګوره
حل کېدونکې دا ماجرا ده بېله زوره
حل يې دا چي پر دې خلکو حاکمان کړه
خلک د دوی د دوی له منځه ناظمان کړه
داسي څوک چي نااهلان ډېر کم عقلان وي
بد رذيل وي ځان غوښتونکي کم اصلان وي
دا که وکړې نو به خوښ دا چارواکان وي
تل مشکور به هر زمان په هر مکان وي
هر څه زيات چي د خپل قوم دوی غليمان وي
لاس پر نام به ستا دوی ټول لا غلامان وي
قوم کي پاته چي کمزور کوم رذيلان وي
د بد مشر به هميش مفت وکيلان وي
ځي خلوت ته يا هجرت به کړي هوښيار څوک
ځي به جنګ ته سادګان چي وي تيار څوک
خپل تر منځ به دوی مړه کيږي او رنځيږي
خپل په ځان به وي اخته دوی به کړيږي
قوم که زېر غواړې حاکم پر رذيلان کړه
ورک بدنامه يا يې مړه ور اصيلان کړه


احمدولي اڅکزی، د ۲۰۱۹ کال د دسمبر ۱۹مه نېټه، بون

 

د ماشومانو د منظوم او منثور نکلونو وېبپاڼه
www.kochnai.com

د کوچنی ټکی کام د نکلونو ليسټ او لينکونه
http://bit.ly/2ppNEpJ

د احمدولي اڅکزي د نظمونو ليسټ او لينکونه
http://bit.ly/2h9CRwc

د ماشومانو له پاره د نظمونو ليسټ او لينکونه
http://bit.ly/2tfIG1u

د قاموسونه ټکی کام ټول اعلانونه
http://bit.ly/2fZf7dO

د تکراري سوالونو جوابونه
FAQ http://bit.ly/1IZm3uV

د قاموسونه ټکی کام څخه د کار اخيستلو ويډيو
http://bit.ly/2gXsf0v۲۴

وړيا پښتو قاموسونه د اندرويد موبايل له پاره
http://bit.ly/1IFKLAw

د آی فون لپاره هم د پښتو قاموسونو اېپ خپور سو
http://bit.ly/1T2nC0U

«جادو ته ورته» د پښتو قاموسونو پروګرام آنلاين سو
http://bit.ly/2dUVS3U

 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

 

Loading...
Loading...