د اصيل خيلو کانفرانس ؤ په يو ښار کي
ونډه وال ول ځوان او پير پدغه کار کي
د اصيل خېلو کانفرانس
د اصيل خيلو کانفرانس ؤ په يو ښار کي
ونډه وال ول ځوان او پير پدغه کار کي
جاري لړۍ وه د ويناؤ پر دريځ
يو خپل دولت بل ګناه ګار باله لوېديځ
هر وينا وال د دې ټبر خلک ستايله
د چا ويش ويش د چا اُف اُف ؤ چا ژړله
د وينا والو په وينا هر يو اتل ؤ
د دغه قوم هر يو سړی بهتر تر بل ؤ
يو وينا وال ويل دا قوم دی د زمريانو
بل بيا ويل چي لا بهتره تر سيدانو
يو جذباتي ځوان ويل موږ غمي ګوهر يو
د نړۍ تر بل هر قوم څخه بهتر يو
بل وينا وال ويل دولت زموږ ميراث دی
چي بېله موږ کړي حکومت هغه ميرات دی
د دغې غونډي تقارير ښه سم اوږده سول
و ډوډۍ ته بې قرار ټول مېلمانه سول
د مېلمنو څخه يې بعضي ول له کلي
نور حاضرين وله ښاريان غوړ او ښاغلي
په مخکني قطار کي ناست ټول رئيسان ول
پيسه دار سياست مدار يا ملکان ول
چا په تسبو باندي شرنګی کاوه په زوره
چا د قورمې بويان راوړي ول له کوره
څوک ږغېدی په ص و ح و ق و لام
د چا بيا زده نه ؤ له سره څه کلام
په دغه حال کي يو بوډا دريځ ته راغلی
ويل دا زما د تجربې څه ګټه واخلئ
ګورئ دا زما ږيره سوه سپينه پدې لار کي
ټول زندګي مي سوه برباد په دغه کار کي
اوس چي مي مرګ سو رانژدې زه پرېشان يم
د قومبازۍ او د نفاق پر کار پښېمان يم
هغه چي کړوپه يې کړه زما ملا او بندي غاړي
چي لارويان نسئ هيڅکله د دې لاري
څوک چي په علم کي اتل وي تقوادار وي
هم په دنيا هم آخرت به عزتدار وي
د دانايي څخه چي خلاص وي قومبازي کړي
ملت چي ځان وژني نو خېل و خېلبازي کړي
احمدولي اڅکزی، آلمان
06-03-2014
د احمدولي اڅکزي د نکلونو ليسټ او لينکونه
http://bit.ly/2h9CRwc
د قاموسونه ټکی کام ټول اعلانونه
http://bit.ly/2fZf7dO
د تکراري سوالونو جوابونه FAQ
http://bit.ly/1IZm3uV
د قاموسونه ټکی کام څخه د کار اخيستلو ويډيو
http://bit.ly/2gXsf0v
۲۴ وړيا پښتو قاموسونه د اندرويد موبايل له پاره
http://bit.ly/1IFKLAw
د آی فون لپاره هم د پښتو قاموسونو اېپ خپور سو
http://bit.ly/1T2nC0U
«جادو ته ورته» د پښتو قاموسونو پروګرام آنلاين سو
http://bit.ly/2dUVS3U
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د ليکوال نور شعرونه:
پاچا، وزير، غلام او ړوند سړی ـ منظوم نکل
زمری او نانی موږک ـ د ماشومانو لپاره منظوم نکل
څلور دي کال کي موسمونه ـ د ماشومانو شعر
د ملالۍ نانۍ خور ـ د ماشومانو شعر
سهار سو ـ د ماشومانو شعر
ترپ و تروپ دی ـ د ماشومانو شعر
اې سپيني واوري ـ د ماشومانو شعر