د سترګو تور ؤ يو کيشپ د پلار او مور
د اوبو ډنډ ته ؤ نژدې د هغه کور
د مور او پلار به يې کول هغه کارونه
ورته وهل به يې اوږده اوږده مزلونه
دغه او ګڼ شمېر نور منظوم او منثور نکلونه پر کوچنی ټکی کام www.kochnai.com هم موندلای سئ.
سوی او کيشپ
د سترګو تور ؤ يو کيشپ د پلار او مور
د اوبو ډنډ ته ؤ نژدې د هغه کور
د مور او پلار به يې کول هغه کارونه
ورته وهل به يې اوږده اوږده مزلونه
د دوی و کور ته ؤ نژدې د سوی يو غار
پکښي بيده به ؤ سپين سوی شپه ورځ سهار
سوی ؤ ډېر لټ خو رخشندي ؤ د جهان
تر ټولو نورو يې بولی بهتر خپل ځان
تور دا کيشپ چي به يې وليدی کوم وخت
پوري خندل به يې چي څومره يې بد بخت
سوی به ويل چي ډېر کرار يې شمشتۍ
تر تا خو ژر دی که بيده وي حتی سوی
بيا به يې وخندل په زوره په پړق پړق
يا له رخشنده به يې کاوه هغه چک چک
سپين سوی يو ورځ راغلی کيشپ ته په خندا
بيا يې رخشند واهه کوله يې نڅا
ويل سيالۍ دي په ځنګل کي او مېله ده
پکښي خرڅيږي که ګاجري که کيله ده
راسره وازمويه ته پکښي خپل زور
تيز ځغلې ته که ځغلم زه لکه سور اور
کيشپ ويل چي زه به درسم دې بازۍ ته
مخکي د ټولو به حاضر سم دې سيالۍ ته
ټول حيوانان ول د سيالۍ په ورځ حاضر
زمري بيا وټاکی د ځغاستي اوږد مسير
کيشپ او سوی ته يې ويل چي تاسو ځغلئ
تر څو چي مسحه کړئ د سرو ډبرو څلی
سيالي سوه پېل کيشپ کرار کرار روان سو
سوی کړل ټوپونه لا مغروره په خپل ځان سو
سوی نيمه لاره په تيزي کي ووهله
بيا يوې ونې ته يې ډه ډه ووهله
سوی ويل پاته سو کيشپ راڅخه شاته
خوب به لږ وکړم اوس خو وخت دی لا ډېر پاته
سوی چي بيده سو نو بيده سو په اوږد خوب
کيشپ ثابت وهی قدم په آرامتوب
راويښ چي سوی سو سمدستي دی په ځغستا سو
پر لور د څلي دی په منډو په ترپا سو
خو چي راورسېدی دی معين ځای ته
د ځغاستي لاري ټاکل سوي ليکي پای ته
سوی شرمنده سو ځړېدل باندي غوږونه
ورڅخه هير سو خپل غرور او رخشندونه
هلته له مخکي لا موجود ؤ کيشپ تور
هغه ګټلې وه بازي او عزت نور
بې تذبذبه چي د عزم خاوندان وي
سر به يې لوړ وي د بريا به څښتنان وي
احمدولي اڅکزی، د ۲۰۱۶ کال د می ۱۷مه نېټه
هيله: که مو دغه مطلب خوښ سوی وي نو هيله ده چي په فيسبوک کي يې share کړئ.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د دغه وېبلاګ لاندنۍ نوري ليکنې هم ولولئ:
دېب په بوتل کي ـ منظوم نکل
کڼه چونګښه ـ منظوم نکل
يوازي نانی ـ د ماشومانو لپاره منظوم نکل
پنځه حسه ـ د ماشومانو شعر