غاښ د شودو مي ښوري
ډاکټر يې هيڅ نه ګوري
دغه او د ماشومانو له پاره نور منظوم او منثور مواد پر www.kochnai.com هم موندلای سئ.
غاښ د شودو مي ښوري
ډاکټر يې هيڅ نه ګوري
وای شاته مخ ته يې کړه
کش او راکش ته يې کړه
خو زه بيرېږمه ډېر
چي خوږ نه سمه زه ډېر
نيکه ته وايمه زه
کومک مي وکړه اوس ته
نيکه وای راوړه سپڼسی
ته يې زما خوږ لمسی
بيا يې په تار راتړي
غاښ مي ښه ټينګ راتړي
وايي نيکه زما پلار ته
بوزه هلک بازار ته
تار يې د غاښ ته واخله
مست ورته آس ته واخله
پر آس يې وتړه تار
بيا ته پر منځ د بازار
آس ته چلاخه ورکړه
ښه چپلاخه ورکړه
آس چي يو دم هلا کړي
غاښ به د ده جلا کړي
پلار مي همداسي وکړه
خو هيڅ فايده يې ونه کړه
له غاښه تار جلا سو
آس پر بازار خطا سو
غاښ د شودو مي ښوري
ډاکټر يې هيڅ نه ګوري
اوس زه په ګوتو يې خپل
ښوروم غاښ مي شل ځل
تر څو چي وخيږي غاښ
پر ځای يې راسي بل غاښ
احمدولي اڅکزی، د ۲۰۱۶ کال د جون ۲۳مه نېټه، بون
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د دغه وېبلاګ لاندنۍ نوري ليکنې هم ولولئ:
آس غواړم! د ماشومانو نکل
سوی او کيشپ ـ منظوم نکل
يوازي نانی ـ د ماشومانو لپاره منظوم نکل